Temâşâ-yı Hayâl Erbâbına Özge Temâşâdır

PERDE GAZELİ

Temâşâ-yı hayâl erbâbına özge temâşâdır

Ma'ârif ehline ma'lûm olur sırr-ı mu'ammâdır

Ne anlar câhil ü nâdân olan sırr-ı mu'ammâdan

Bakar zâhir gözüyle sanır mir'ât-ı mücellâdır

Verâ-yı perdeyi fehm eyleyen 'uşşâka 'aşk olsun

Beri gel zâhid aç çeşmin ki bunda Hakk hüveydâdır

Gerçi bâzîçedir ammâ bir nigâh sarf-ı zihn eyle

'İbret ile bakmayanlar sanki ma'nâda a'mâdır

Gelince Hacı Evhad ile Çeşm-i Siyâh güftâra

Eylesin 'âlemi temâşâ 'ayn-ı 'ibret-i dünyâdır

Misâl etmiş onu Şeyh Küşterî gülzâr-ı dünyâya

Anınçün Sâdıkâ zıll-i hayâl ile müsemmâdır