Kıl Nazar Çeşm-i Hakîkat-bîn İle Ey Ehl-i Hâl

PERDE GAZELİ

Kıl nazar çeşm-i hakîkat-bîn ile ey ehl-i hâl

Gör semâvâtı kurulmuş hayme-i zıll-i hayâl

Perde perdâz-ı cihân seyret verâ-yı perdeden

Gösterir peydâ kılup eşkâli nisvân u ricâl

Cümbüşün her sûretin zâtına enseb eyleyüp

Söyletir gör ol şuhûsun her birine bir mekâl

Hep mezâhirdir bu sûretler kıl im'ân-ı nazar

Geh celâl eyler zuhûr anlar yüzünden geh cemâl

Kıl temâşâ hayme-i zıll-i düzen âhir bozar

Kendi kalır ancak irşâd ol edüp fehm-i meâl

Ehl-i vahdet hâlidir bilmek şühûduyla bunu

Kesret erbâbına hâl olmak bu kâl emri muhâl

Vahdet u kesret nedir gösterdi Şeyh Küşterî

Birrîyâ seyret hayâl-i zıllı andan 'ibret al

Birrî Mehmed Dede
Kuddise Sırruh