Bu Perde Çeşm-i Ehl-i Zâhire Bir Nakş-ı Sûretdir

PERDE GAZELİ

Bu perde çeşm-i ehl-i zâhire bir nakş-ı sûrettir

Rumûz erbâbına ammâ ki temsîl-i hakîkatdir

Cihâna benzedüp Şeyh Küşterî bu perdeyi kurmuş

Müşâbih eylemiş ecnâsa tasvîri ne dikkatdir

Heveskâr-ı safâya neş'e bahş eyler bunun seyri

Hakîkat-bîn olan erbâb-ı tab'a 'ayn-ı 'ibretdir

Ne var bilmez verâ-yı perdede ancak budur tahkîk

Lisân-ı hâl ile hâl-i cihânı bir hikâyetdir

Eğer dikkat olursa Karagöz'le Hacı Evhad'a

Meâlin fehm eden ehl-i kemâle başka hâletdir

Nice ma'nâ olur melhûz bunun tahtında seyreyle

Nikâtın anlasın ehli deyu 'arz-ı nezâketdir

Sönünce şem'i eşhâs-ı suver nâbûd olur birden

Cihânın bî-bekâ olduğuna işte işâretdir